{想要水嫩唔油膩?} 藍色東東岩哂你!!

見到哩個標題覺得 好唔好笑呢 ?
好笑在大家都唔知我UP乜野!!! 

其實今日PANSY係想介紹一隻近期覺得好好用既SKINCARE~
好似都有一排冇介紹過SKIN CARE, 因為我一直都試緊哩隻啊嘛.!

今次介紹既係保濕CREAM. 相信大家同BIOTHERM哩個品牌都唔陌生

經過SALES 姐姐一再推介, PANSY決定買以下的面霜

溫泉美肌透亮保濕霜  (注意: 藍色)  50ml @ $390

特別之處: 滑滑的雪芭狀保濕霜，內有3500萬個AQUAKEEP™超鎖水微粒，強效鎖水，能鎖住比自身多1000倍的水份。保濕同時去暗啞，肌膚回復細滑潤澤，散發剔透光采。
因為PANSY皮膚一向比較暗啞,但又缺水, 哩隻面霜正好解決到哩個問題,岩哂PANSY呢!!!

成份: 3500萬AQUAKEEP™超鎖水微粒、PTP溫泉有機活性因子、全效保濕複合物、微量醣份、天然錳晶體成份

一向喜歡用BIOTHERM的產品, 因為比較天然, 我用親都覺得好舒服,香料唔太重!

用法: 請用既時候加以按摩, 等吸引得好D!!

質地: 滑滑的雪芭狀, 易推開,用好少就足夠, 亦非常好用!!


用後感: PANSY 用完暫時唔覺得有好強既去黃功效, 始於仲需要我D時間既!!
保濕方面就好好喇!! 之前用過AQUA SOURCE系列既保濕凝膠,係保濕,但都好清爽~
所以係冬天PANSY覺得唔夠保濕了~ 始終一樣產品冇可能做到又超清爽又超保濕的~
而哩隻就相比起綠色保濕系列面霜更保濕,更鎖水!!
用後都好清爽,(當然不及那隻) 但絕對不會油淋淋, 用完亦覺得爽身既!!
用後皮膚水份增加, 冇再乾同甩皮~ 毛孔明顯細左D~ 皮膚會好滑!
上妝後唔會有擦子膠碎!!!!!