[送禮送禮] @ 精精神神上班妝容分享*

今次想為大家介紹pansy平日精精神神上班的日常化妝吧~ 想信很多朋友都和pansy有一樣的看法, 很想化妝上班,但又很想多睡一會~ 就想睡到最後一刻才起床吧! 
當然我有時都會唔化妝( 真係好累的時候)
但平時我都會化一d超簡單妝上班, 為求精神同埋見到客既時候唔好太嚇人, 當你唔化妝,不修篇幅的時候, 會令人覺得你好求其,自然對你信心大減 . 有時候要出早job, 天啊4-5am要起身,真係化唔到妝, 我就唯有幫上眼鏡吧!
至於特別的化妝就留待假日先化喇!!! 平時pansy上班就會化以下自然妝, 簡單又快捷, 亦比較精神~
以下為pansy今次的化妝教學!~ 有關使用的產品都在我的vedio中介紹過了,大家可細心觀看!

大家可以睇得到前後對比大不同,真的精神太多了@@

舒緩雙腳好法寶x超好吃零食*

之前參加x'mas party 的時候, pansy收到一件十分實用的禮物
就是以下這盒.

這盒是舒雙腳的退熱貼. 哈哈哈
因為質地和外觀都和小林退熱貼沒分別,
只是這一塊比"小林" 大很多吧!! 

功能: 可以舒緩雙腳疲勞.
用法:貼上有需要的地方, fu過夜就得!!
入面仲有5種唔同既香薰草藥之類,可以令人感覺舒緩
用上腳的時候有點點涼涼的, 要是行路行得超累, 雙腳發滾的時候用上這個,
真的爽死了!!!!!'' 
有好幾天出job後, 雙腳不似自己的, 回家馬上用這貼貼 fu 過夜,
第2日真係唔再覺得累,覺得隻腳好輕甘樣!真係超正呢!!!
一盒有3pack , 一pack有6片.
如果我知道係邊度有,我相信我一定會買多d返屋企,
因為長時間要企,哩d真係不少得既法寶!! 如果有朋友知道邊度有既話,麻煩告訴我啊@@
另外仲有近排pansy係7仔買既小零食,
細細個既時候已經有食過乖乖既零食,
爸爸常說吃乖乖會變乖呢.哈哈哈~€
{{{{乖乖爆谷}}}}
價格$ 8.x /1包 (好大包,我食公司食左3日呢-3-)
味道係焦糖味, 甜甜的~ 非常好食,
如果可以整熱佢既話真係似戲院果d,
pansy仲買定幾包放左係屋企一路睇戲一路食,哈哈~
甘平既價錢可以買到爆谷真係好抵!

11﹣12月最推介之化妝／護膚品

我中意試新野，中意試冇人率價過既野！
總之樣樣試一餐，為既就只係想係完美之中搵更完美既野，
以下就有我近來最LIKE既產品，真心推介比大家！！！

以下有提供之前介紹過的網址,可以CLICK入去睇睇!!
護膚品有：
NIVEA 晶瑩爽膚水
http://www.theztyle.com/home.php?mod=space&uid=52945&do=blog&id=179028
CYBER COLORS GEMSTONE CC CONCENTRATE活膚精華
CYBER COLORS GEMSTONE CC HYDRATING CREAM 活膚面霜
http://www.theztyle.com/home.php?mod=space&uid=52945&do=blog&id=177248
我的美麗日記墨西哥仙人掌面膜
http://www.theztyle.com/home.php?mod=space&uid=52945&do=blog&id=177813
化妝品有：
TOO COOL FOR SCHOOL 恐龍系列眼線筆
TOO COOL FOR SCHOOL 美白BB CREAM
http://www.theztyle.com/home.php?mod=space&uid=52945&do=blog&id=177132
BENEFIT 光影筆

以下為詳細介紹！ 請睇片＠＠

KEEP整天妝容小法寶X 澳門一天遊

在過去的一個週六, PANSY和PANSY佬去澳門一天遊了,
有好多朋友問我地點解唔玩耐D, 其實係因為我地已經唔係第1次去了 , 都沒有什麼地方需要去過夜了^^
所以冇野做就去行一個下午吧!!

出發之前, 為左個妝要KEEP一整天, 所以我會用一D小法寶令個妝唔好溶,
等我可以影靚相啊MA^^ 哈哈...

今次介紹既法寶有哩隻.......
ANGEL COLOR MAKE KEEP SPRAY

係一隻噴霧黎, 化完妝之後噴上面, 可以令你既妝容更持久,
有保濕同控油既功效..

用後感: 用左哩隻之後, 除左覺得冇甘乾之外, 仲覺得個妝冇甘快氧化WO!!
3-4小時之後個妝仲KEEP到岩岩化果時個樣!! 9小時之內只補過一次乾粉~
真係KEEP得比平時好!! 同類既產品如果唔太貴我都會推介比大家.

抱歉這支是PANSY好朋友送的.不知道價錢和售賣點,否則一定推介比大家!!!
以下係果時影左既小部份相片-3- 

平價開架好物{NIVEA*持久保濕之道}

今次為大家介紹既保濕產品係平價既開架產品~
近排行經萬寧都見到有保濕系列WO!
甘岩心思思想買既時候, 就有得試喇!!天意啊XDDD

以下試用產品有兩款 總值$189.80
睛瑩爽膚水200ml  48小時補濕晶華50ml

•睛瑩爽膚水 (不含酒精)

Aqua Sensation Toner 200ml

質地: 水狀,清爽不油~

香味: 淡淡海洋味.

不含酒精配方，性質溫和，不刺激肌膚，用後唔會"乾爭爭",含有活力保濕因子,可以令皮膚水份充足,
平衡油脂分泌.
用後感: 用完之後皮膚水份度提升左好多, 起初以為水份甘強既TONER唔會點補濕,
點知用左先知道原來真係保濕度好好WO~ 用水份機都可以測試到水份大大提升.
拎黎當TONER MASK咁FU, 毛孔即時收細左好多啊!!!

•48小時補濕晶華

Aqua Sensation Invigorating Day Cream  50ml

質地: 白色CREAM 狀質地, 易推開.

香味:淡淡海洋氣味.

入面有專利補濕因子Hydra IQ，有效鎖緊肌膚水份，令皮膚得到持久的深層補濕。
仲有UVA同UVB配方，可以避免因為外來既因素令皮膚老化.

用後感: 用完之後覺得皮膚很軟滑,保濕度不錯, 用完唔會有"痴LUPLUP"既感覺, 質地很易推開, 用很少就足夠全面使用. 用完水份再提升!
用上面輕輕推開,很快就吸收哂了! 如果用哩隻CREAM推上面的時候加以按摩, 會吸收得更好,滋潤度更高!

以下有我詳細講解,同分享哩兩隻保濕產品的短片,請大家細心欣賞!!

銷售點: 萬寧
NIVEA Facebook fan page: http://www.facebook.com/nivea.hk

"蜂蜜"面膜初體驗+{聖誕送禮得獎名單}

成日都聽到人講蝸牛蝸牛,蜂毒蜂毒!
話幾話可以抗皺,令你皮膚更firm, 更光滑等等既功效.
亦聽過唔少sis同pansy講, 原來果d所謂既蜂毒mask係會令人敏感.
仲要唔只一個個案發生. 亦有朋友用蝸牛mask都會敏感(又話舒緩既???)

其實佢地功效係真係work既, 就係因為work所以先敏感!!
因為佢既成份愈刺激你既皮膚,你就愈易敏感.
相對黎講,姐係成份愈高,就愈易敏感. 
當然, 亦有些人是不會敏感的. (其實都好睇你個人易唔易敏感)

但係哩d轉季天乾燥既時期, pansy唔會建議你地用一D甘刺激皮膚既產品(包括美白系列)

PANSY最近就試左一隻"蜂蜜"面膜,
不是蜂毒喇, 是一些蜂蜜喇!!!

SUPERMOIST 蜜糖滋潤面膜
主要成份:蜜蘆卡蜜糖
質地: 面膜質地唔算太薄,布質.
         精華岩岩好足名可以搽埋頸~
用後感: 拎出黎已經聞到一陣蜂蜜味, 令我好RELAX ,就好似倒左D蜜糖係我面上~
用後好舒服, 皮膚水份大大提升, 感覺得到皮膚滋潤度好左好多~ 好滑,毛孔都細左~
真係覺得非常好用!!!

之前我係係萬寧買$55 既禮盒裝~
但係如果單一隻面膜系列可以係LOG-ON買~

樽仔化妝品* x {甜美聖誕妝容教學}

之前答應了大家多出妝文, 就趁住有一個重大節日(x'mas) ,
來多化妝給大家看看, 給大家介紹更多好用產品和妝容推介~
今次就教大家如果化一個甜美的妝容, 絕對能令你吸引別人~~
雖然pansy的樣子就是不可愛, 但都可以用甜美妝容搭救.
希望把身邊"那個"都吸引住(其實本身都係喇xdddd)

今次用了以下的化妝品去化這個聖誕妝
其實大致上和平時的都一樣!!

只是今次用了LUSH的新產品

有以下三款 :
Liquid Eyeliner ( 內在潛能 Quietly Motivated 棕啡 )
Cream Eyeshadow ( 新潮 Sophisticated 珍珠 )
Liquid Lipstick  ( 迷人 Glamourous 深粉 )


先說說這些產品的好處吧 ?
設計-- 細細支既樽仔,方便帶出街補妝.

EYE LINER---的掃頭夠幼身, 易畫一條幼幼的眼線,
色澤自然,化淡妝都岩哂!!!

EYESHADOW--- 拎黎做眼影又得,拎黎當EYE BASE打底又得!
淡淡的珠光啡色, 易襯又易推開 ,持久度十分之好!!!
刷頭軟身,用上眼都好舒服!

LIQUID LIPSTICK---似LIP GLOSS既質地,但係色澤就好似唇膏,
上色度一流, 十分之好用, 粉紅色帶紫的色調,又華麗又浪漫!


妝容介紹: 今次妝容都係用返粉紅紫色的MJ眼影,其實最大分別在於唇色,
比較突出,粉紅得來帶點紫色.非常特別.

另外,大家看得出PANSY用了網狀雙眼皮膠紙嗎 ?真的非常自然呢XDDD
令整個妝容更甜美!  希望大家睇左以下教學都學識點化喇^^~

爆哂瘡又敏感又甩皮* "真兇"就近在眼前!!!!!

之前都同大家講過pansy不定期皮膚都會生生癬,乜下皮甘既 ???
唔知大家有冇記得過~~

近排pansy爆瘡爆得好勁, 本以為都係皮膚敏感,轉天氣先甘姐~(因為都係細細粒好快冇事)
一直以為會唔會用既skincare太多, 太潤 ??
試過唔多點用又係甘,又諗過會唔會係乾搞到甩哂皮又鞋哂 ?
點知又唔係(因因fu mask都係甘)
甘pansy見甘多瘡瘡就用之前同大家介紹過既星期四茶樹油加入mask中fu, 同埋用黎搽暗瘡喇!!
點知大獲事就發生喇, 一fu完洗面就發覺, 有用tea tree oil既地方(t位同面中間) 就紅哂,好似比火燒完甘!!!

之後過左兩日就退紅, 我都冇理佢, 到到尋日返工之前終於發出黎喇!!!
我兩同t位係甩哂皮, 乾到鞋哂(似敏感/生癬)
一直以為生癬,但我今次好肯定係因為tea tree oil累事~~
原因: 每次我一爆瘡就會用tea tree oil , 之後就真係會有以上事件發生wo!!
用左甘多支,而家先發現係吁好蠢 ?- -

btw, 唔敢再用, 近排pansy既瘡瘡仲愈爆愈勁, 熱氣?
飲左涼茶都係甘!! 我諗我都係唔搞佢最好了吧 ?
而家皮膚差到唔敢化妝, 我好清楚皮膚差再化妝只會顯得更樣衰,
唯有帶上我的眼鏡遮醜了吧.
還有puppy生病了, 見到佢又唔食野,又冇力,趴左係度好心痛><

近來活動*{拍攝篇}x* 再敗benefit *

pansy 近來皮膚又因為天氣變得差差, 相信暫時都唔會有大型既skin care文章推出~~~
唯有日日周圍去下影下相xd 咩都影一餐既我, 在家中不停將puppy 當作我的"model"

狗model是也~~~

看看我為puppy影的喜怒哀樂篇, 哈哈哈xdd
他的樣子真百變 , 近來好多朋友or 街坊都話: 隻狗仔好得意啊,好細隻啊!!
但其實有冇人知佢係一隻老狗?-3- 已經12歲喇, 星期日幫puppy搞生日會xd
其實一直都知道養寵物總有一日會離開, 其實可以話有心理準備, 但見到他的身體愈來愈多毛病,
心中自然有點難過,知道這天愈來愈近了!!! 現在放工後,都很想快快回家陪伴他~
有人有這個感覺嗎 ?????

另外是早幾天跟朋友去mikiki 影little twins star的照片xdd
雖然好近我屋企, 但我都覺得成個shopping mall係冇咩人- -成個場加埋都冇1000人吧 ?- -
展覽亦比我相像中少得多- -因為幾百平方的位置-/\-
最後最後, 我都話左我會再買benefit 胭脂架喇!!! 見到有set又平平地就即時出手ko~
盒中有幾樣野都同朋友交換左xd 最後換黎貨size有以下product~
光影膏
4色胭脂{橙tone}
胭脂真的不買不行, 實在太好用了吧xd 有朋友有同感嗎 ?

最愛面膜再分享!!*

不經不覺.打BLOG已經有一年了, 這一年之間, 多謝大家支持我, 同我的關心和鼓勵~
在這一年之間我覺得好開心, 有你地陪住我同我傾計!

講到尾,打BLOG一年, 我都已經試用左好多面膜~
認識我的朋友都知道我是一個不會用貴MASK的人.

我會買很多超平價既面膜, 不過日日用XDD

以下有兩款就係PANSY經常用的MASK.
有BB MASK

仲有我的美麗日記仙人掌面膜
另外仲有幾款美麗日記既MASK~

說真的, 我用過甘多平價面膜入面最WORK就係BB MASK 同埋仙人掌MASK
滋潤,保濕做得非常之好~~
另外我仲會用蘆薈GEL作普通舒緩之用 .
但係就黎又冬天,用哩D GEL MASK同CREAM MASK係非常凍, 所以我唔會用住了XDD

質地: 質地黎講, 就一定係美麗日記既MASK最薄身最貼面了~

價錢: 我的美麗日記 $ 60 10片
         BB MASK $ 69 5片

點講都係美麗日記抵喇XDD
所以PANSY屋企成日都會用美麗日記MASK, 屋企一定有存貨.
但說真的. 平價野想有好好功效持續3-4日就一定冇架喇!!! 但係日日用咪唔會心痛囉XDD

{妝}簡易聖誕個性妝容*

聖誕就到喇, 大家諗好左咩打扮去party呢??
pansy就為大家帶黎一個短髮既造型打扮喇~~
之前都同大家介紹過短髮都可以可愛既???
今次我都用左紫色既眼影去化一個簡易既聖誕妝.
今次用了以下的化妝品去化哩個妝既!!!
大家可以睇下pansy既vedio 教學, 學下點樣化個聖誕妝喇!!!~~

今次妝容最主要係眼妝比較突出, 比較閃爍.
"閃閃令"先有聖誕既感覺架嘛xd
華麗又得,可愛又得!

另外, 大家可以係底妝方面做多d手腳,  試下用光影筆/光影液/光影膏 ,
or用帶有珠光既base . 甘樣就可以令底妝更有光澤,更閃更亮喇!!!

小tips: 最後我會換好衫, 帶返個頭飾~
大家如果想特別d , 不妨試下帶我哩類既網紗頭飾啊!!

最後配上爸爸送pansy的毛毛頸巾, 襯任何衫都變得好特別, 好靚呢!!!
毛質好滑好軟 . i like it~

另外, pansy亦設有party 化妝造型服務.
可email or 留言查詢:pansyleungcy@yahoo.com.hk
以下為pansy最近的party 化妝~~ 大家可作參考,
亦可上pansy的facebook專頁看更多作品相片~

http://www.facebook.com/pages/Face-Phantasy/190203821062336?ref=hl