卸妝新體驗~(大推) Bioré 高效水漾卸妝凝露

之前同大家介紹過PANSY用開既方便快捷CLEANSING OIL~
貪佢夠快, 貪方便. 又夠乾淨~ 
但畢竟它是油嘛. 用後當然會比較滋潤~

而今次有幸用到Bioré 高效水漾卸妝凝露, 讓PANSY一試可以卸妝GEL .
(不是之前已經介紹過卸妝GEL了嗎 ?)
對!! 冇錯, 之前PANSY已經介紹過. 但不是這一隻.
而這一隻令PANSY最最最驚喜的是 . 一向卸妝GEL 可以卸面部彩妝.
但說到防水眼妝. 就只有這一隻可以卸得一乾二淨,
卸得極快!!~~~~  快既程度比CLEANSING OIL 更快!~

功效: 快速卸妝 , 保濕 .

用法: 乾手將卸妝凝露打圈按在有需要卸妝的地方,再過水.再用潔面產品即可!~

用後感: 可能卸防水眼妝,重要極乾淨!!!極快速, 可說是只有5-10秒多, 已經把我的FULL MAKEUP 洗得乾乾淨淨~
最重要既係,唔知大家有冇發覺, 通常平時落妝, 有少少化妝品都會留左係下眼線位..會有少少黑黑地~
原因只係因為卸妝品把你的化妝品卸下來. 就會痴左係皮膚上面.
但係哩隻Bioré 高效水漾卸妝凝露唔同. 佢係會將你既化妝品"溶解" 所以唔會有哩個情況發生!!
用完皮膚1D都唔覺得乾, 好保濕同水潤, 但又做得到清爽不油膩的感覺!! 用落眼睛位置唔會"那"眼~ 唔會敏感!  有面仲有美容保濕既成份<卸妝同時護膚,真係好新鮮啊^^ PANSY今次極極極大推!!

用完哩支之後,我諗暫時都唔想再轉其他卸妝品了!!!

讓年輕肌一嚐貴婦滋味!

很多朋友，BLOGGER都問PANSY 。
20歲用SKII 等等既大牌子會否不太好。
其實這問題一直至今仍然很具爭議性
所以以下的文章PANSY以個人觀點發表！

PANSY 也是一個20歲開始用SK﹣II 產品的人，
途中經過不少風浪才能用完， 包括家人，男朋友都說我貪靚得愈來愈過份。
直頭要用“上腦”去形容 。
每次我都只回答（我清楚自己在做什麼， 只要適當運用，就不會“上癮”）
家中護膚產品， 有貴的，中價的，超平的，通通都有， 只要好用就懶理他什麼牌子 。

今次介紹既SK﹣II產品係PANSY覺得20歲都用得，而好用的產品。

SK﹣II CELLUMINATION DEEP SURGE EX

功效： 滋潤，保濕，亮白

質地： 較清爽的凝露， 可在夜間使用。


用後感： 滋潤度十足， 很易推開，用後皮膚很滑，用了一星期， 感覺亮白多了，
沒那麼黃及暗啞。
BEFORE

AFTER

市面上SASA等地方都有SAMPLE試用～ 大家可以買回來先試用一下，才決家要不要到專櫃買大SIZE的

愛自己*錫自己* 家中享受

日日返工返學， 相信大家都很累對吧 ？
回到家甚至飯也不想吃，只想“灘屍”在床上，
其實每日只需很少的時間， 就可以令我們放鬆身心，仲可以另身體更美麗， 更有線條。
大家不妨每天拿出5-10MINS . 去做一些愛自己, 對自己好的事呢^^

按摩＊＊＊＊
工具：
面部按摩棒
身體按摩棒
面部按摩油
身體按摩油
手掌兩隻

用法:
將按摩油倒到手掌, 雙手加熱, 搽在需要的地方~
再用按摩棒由下至上滾動,  直至按摩油都吸收了9成.
剩下的油可以用棉花加TONER抹掉.

以下是我上1-2個月和現在的對比.
經過按摩後. 好像瘦了不少!~
其實按摩唔單止可以令到我地變得更靚, 亦都可以放鬆一下一天以來的壓力.
如何加埋音樂同埋香薰, 就會更加好呢^^~

最好用之清爽bb cream

pansy平日化妝多數都會full makeup, 好少只化眼睛(多數病先會)
講到化妝 pansy 認為最重要的是底妝. 沒有好的底妝, 上什麼胭脂,眼影也是徒然.
盡管化到眼睛都識發光, 但底妝看起來一達達,難免令人作嘔!!~ 
上得太多粉, 感覺就好似假面具. 所以pansy從不厚粉!!~
原因1----會令皮膚變差, 毛孔呼吸不到新鮮空氣.
原因2----愈多瑕疵,愈厚粉, 感覺愈想嘔
原因3----原粉感覺好假, 人地一眼就會睇得出
原因4----不自然!!

太多太多原因令pansy不like厚粉, 有些朋友總說. 你皮膚沒什麼瑕疵當然不厚粉.
錯錯錯錯!!! 皮膚愈多瑕疵, 狀態愈不好, 就更加不應該厚粉, 粉中的化學物質對皮膚一定有影響~
只要適當地去遮瑕. 其實不用厚粉~
近排pansy發現了一隻很清爽很薄的bb cream .
無喇喇行過sasa, 無喇喇就發現好野~~
dr. jart+ water fuse blemish base   spf27/pa++  $ 221
含防曬度的bb cream .
質地: 非常清爽, 勁易推開, 好似gel甘~ 
遮瑕度不錯, 把pansy的黑眼圈跟泛紅遮了7-8成.
持久度很好, 用上6hour才開始出油溶妝. 只需補補乾粉即可~

用後感: pansy都用了1個多星期. 用後感覺超清爽, 有點涼涼的感覺. 非常輕盈, 一點也不焗. 
不會油,不會出暗粒 ,上後感覺超自然, 超薄(甘多個超, 因為真係超好用)
唯獨是沒有色揀. 像我這樣自然-比較白膚色的朋友才岩用喔~

＊＊＊靚靚捲曲睫毛秘訣＊＊＊＠＠

唔少SIS都想有一雙又大又圓既眼睛，除左要從SKINCARE著手之外，
仲要配合按摩，化妝技巧等等， 從而達到多方面美目效果！！
例如每天早晚於塗EYE GEL／CREAM 的時候做一個簡單按摩，
FU EYE MASK都係必需既！

如果覺得個效果都係未夠好， 就可以配合埋化妝。
除左要有一支好既睫毛液之外， 仲要有一d好好既睫毛用具~
最常用既當然係睫毛夾喇!!~其次就係電睫毛棒喇!~
今次先介紹睫毛夾** 

睫毛夾其實都有分好多種*

---鐵睫毛夾(大)
用途: 夾上眼睫毛, 比較夠力,可以好快夾曲睫毛
用過最好用既係koji ,幾十蚊,但非常好用~
---鐵睫毛夾(細)
用途:夾上眼睫毛既眼頭同眼尾位. 同樣非常夠力.
同埋是koji, 幾十蚊, 夾力超出想像~
---膠睫毛夾
用途:夾上眼睫毛,輕巧,方便, 但唔夠力,亦好易爆開~
10-50蚊都有~ 但很快就要換新了~


用上細鐵夾之後. 明顯極極極曲呢!!~~~
pansy3隻都用過~ 初初是用鐵夾的. 但因為以前的產品冇甘先進.
鐵睫毛夾的弧度太曲, 不適合我們眼部輪廓不突出的東方人~ 只有外國人/眼部輪廓突出的人用~
所以pansy轉用膠夾, 用了沒有一個月,已經開始夾不曲了~ pansy試試換了那條膠再用,
用了兩用,個睫毛夾直頭爆開~ 幸好沒傷及眼睛~~
後來.還是轉用鐵夾好了~好彩而家既鐵夾已經有for眼部輪廓不突出的東方人!!~
另外還需要用到細鐵夾來夾上眼頭和眼尾的位置~ 極好用!

繼續MASK HOUSE果團火~~~

今次都係繼續試MASK HOUSE既野喇!!!!!!!
繼上次試左個蔘....蔘....蔘....MASK 之後~ 今次黎多個美白去斑MASK

雖然PANSY唔係太需要美白, 但最主要是去黃呢~~
唔想再做黃面婆!!~ 要努力去黃先得了~
加上顴骨上的斑仔朋友們, PANSY真是很想和你們割蓆喔!!!

白.亮采 美白去斑面膜

功效:美白.去斑.補濕.去黃去暗啞

質地:面膜紙質地算幾薄. 精華適量~

用後感: 面膜紙質地算薄,精華足夠, 亦不會多得滴出來 . 但可能不太FIT PANSY 面型
以致有點地方不貼面~
但說到功效呢~ PANSY覺得很好. 去黃用得做.用完皮膚透亮出來~ 最大驚喜的是, 補濕度極極極高
水份提升了差不多30%呢~~ 萬分高興!!!~~ 這可說是一隻真的非常非常不錯的面膜啊!!!~
回購度70%!!!!

MASK HOUSE送你一對MASK!!~~

早前PANSY買了MASK HOUSE韓蔘眼膜就好多SIS都知。。
點知原來買一盒EYE MASK唔止得EYE MASK。仲有PAPER MASK送 ？？
就當得想掉左個EYE MASK盒之際。
PANSY見到有一張介紹MASK HOUSE 其他MASK既紙。
入面有個網址。

登記左之後就會有迎新禮品。 就拎左佢地返黎。
兩片人蔘MASK ＋ 一片美白MASK 。
大家可以登入以下網址， 登記後就有MASK送了（但要自己去拎）
http://www.mask-house.com/member.php?mod=register
即刻就試用。。。。。。。。。。。

功效：保濕， 抗氧化，收細毛孔
質地：較厚棉質   ， 精華幾多（可以搽埋頸）


用後感： 保濕度不錯， 上升了 大約 7 ﹪ ， 用後3﹣4HOURS水份依然不變！！！！
但用後皮膚原先的泛紅不見了， 毛孔見到收細了。
舒緩效果出眾。持久度亦高。不會2﹣3MINS就不見了滋潤感

雙眼皮膠紙大比拼!!!~

PANSY一向用開雙面雙眼皮膠紙大家都知.
今次就為大家買黎單面雙眼皮膠紙同雙面既.~
黎個大比拼!!!!


1---PINK LADY 雙眼皮膠紙 ＄ 14  30對
質地效硬身， 不易貼出雙眼皮， 由其是眼皮較厚及重的人
合埋眼時明顯見到膠紙外露～痴力為中等

2---新世代雙眼皮膠條 ＄14 20條
拉出來非常非常幼身的雙眼皮膠條， 屬雙面雙眼皮膠紙。
用時比較麻煩， 但做出來較果非常自然， 合上眼只有極幼的摺痕。
痴力中上，眼皮較重者合用。

3---夜用雙面雙眼皮膠紙 ＄28  66條
每條可用雙眼（即當兩條用），因為非常長。
雙面雙眼皮膠紙， 質地較硬身，較大條，要自行剪出適合眼皮重又厚人士用
痴力極極極強，岩曬夜用，第朝起身除左佢，都會KEEP到雙眼皮。

其實PANSY覺得雙面雙眼皮膠紙痴力比較強，但有可能會出現合不埋眼的情況。
而單面雙眼皮膠紙則痴力沒那麼強及自然，但非常方便而不會有不適。
總括來說，我最愛第2隻，因為雙面痴力強之外，幼身會令人不易發現 。

其實都係因人而議架姐，就好似PANSY甘，永遠用不了單面的膠紙（可能係自己技術不精）
有高人既可意指點下小妹

絕對防曬---*SUNKILLER防晒乳液*

今次為大家介紹既有平價防曬..**
繼之前LIP HOP之後，又有新防曬品出現於屈記（其實可能係自己冇留意）
ANYWAY，今次為大家介紹兩隻防曬品

1----SUNKILLER強效納米防曬乳液 30ML ＄54

功效： 有超微細納米防曬粒子，可以緊貼肌膚，防水防汗配方，唔怕因流汗已流失保護皮膚免被曬傷之能力。
          絲滑配方，易塗已推開。內有保濕成份 ，無人造色素。

質地： 乳液狀，易推開，沒有防曬味。非常清爽
用後感： 質地非常絲滑， 清爽而不會痴LUPLUP 但有一點點油的感覺， 但只要過幾分鐘就會慢慢好過來。
             PANSY用後日常外出工作都沒有曬黑


2----SUNKILLER BB 納米防曬乳液 30ML ＄54
功效： 有超微細納米防曬粒子，可以緊貼肌膚，防水防汗配方，唔怕因流汗已流失保護皮膚免被曬傷之能力。
        內有BB CREAM成份，可當BB CREAM 使用， 能修飾毛孔和瑕疵，方便快捷，另更有透明質酸，骨膠原，蜂皇漿萃取等等保濕因子，令肌膚持久水潤。

質地：象牙色乳液狀，易推開，沒有防曬味。非常清爽。
用後感：PANSY幾中意的一隻防曬品， 因為有BB CREAM成份，色澤自然，用完再上碎粉就出得街。
            質地清爽，沒有焗的感覺， 就只是油了一點點～

韓蔘打到黎我屋企?@@~~~~

唔知大家有冇睇過無間道, 定係好似pansy甘睇過10幾20次~~~
哈哈其中有個角色叫韓森, 令我諗起今次哩位主角 .........
mask house --- 韓蔘眼膜  6對裝  around $ 50 忘記了


eye mask通常比到人既感覺係: 可以做到去眼紋,收眼袋,去黑眼圈,緊緻.亮白.保濕.等等等等...~~~~
其實唔同既eye mask功效是不一樣的. 不能樣樣十全十美吧.~哈哈!
今次哩兩位主角(甘有兩邊眼架嘛!!!)

功效: 去眼紋去乾紋, 保濕,彈力

質地: 令我覺得好好笑既係, 冇精華, 係0精華~~  入面有兩塊eye mask,
 一邊係布,另一邊係jelly. btw 唔知點解jelly濕都唔濕下~~ 好似3m強力貼甘
放上眼上面真係點整都唔會趺落黎, 就好似痴住左甘..(我想問佢係咪強力彈黎架咋?)
但係果陣蔘味真係好勁!!!~~ 唔識講哩隻mask既點-_-

用後感: 雖然佢冇精華(亦係一個好處.唔洗溜到周圍係) ,但係用完佢之後, 又真係覺得眼周既皮膚亮白左, 同埋好柔軟wo~
但係用左1次又暫時未見到乾紋去到~~ 值得一提既係, 因為佢貼得幾實, 所以玩電腦都唔怕會跌..勁方便~又唔會好滴滴.. 平平地既eye mask黎講. 用1次已經見到有效既都算係甘~~試多幾日同大家報告效果如何!!!!!!

[妝]! **現代藍精靈進化論.

相信好多朋友都睇過藍精靈哩套卡通片~ 就算冇睇過.
而家都有APPS係玩藍精靈..~  甘唔知大家又知唔知最近期PANSY發覺最似藍精靈既"野"
就係"阿凡達" ,其實哩套戲出左好耐. 但係PANSY就一直冇睇過(真係見識少)
因為佢地既藍色. PANSY決定玩一次藍色妝!(加上有SIS想睇呢)

其實藍色比人既感覺好沉.. 好抑鬱~
加上化上眼有可能會令到好冇精神. 所以都唔會係街見到好多人用藍色 .~
PANSY 亦覺得藍色都幾考功夫. 因為PANSY眼腫既問題. 輪廓又唔靚. 出黎有可能會怪怪的~
OR 感覺"勁濃"
曾經PANSY都試過用藍色化眼妝, 換來的說話是(你想點? 甘濃既)
所以以後都冇咩點化過 . 加上PANSY少出夜街. 所以更少用到藍色~
其實只要用得適當. 藍色不算得是一件"濃"事~
今次用的產品如下:

底妝系:
 sofina 控油base
 cyber color 粉底霜
luara mercier遮瑕膏
luara mercier 碎粉

眼妝系:
may記eye gel (差唔多次次都係)
kate眉gel
sasa $5.5眉筆
loreal mascara

面部彩妝系:
the blam highlight粉
i color 陰影粉
benefit 淡粉紅胭脂

::::::::::::::::::::::::::::::::::::::::::::::::::: 完成 圖:::::::::::::::::::::::::::::::::::::::::::::::::::::::::::::::::::::::::::

         


還有另一個藍綠色出街妝呢＊V＊