【效果不錯的面膜類】''難度美容院產品真的比較好 ?

近排pansy真的好忙呢 , 快要考試了!
實在是太耐冇發表過文章! 所以今日一次過想同大家介紹pansy最近用開美寄院代理品牌esmee既面膜類產品!

想不到是真的比開架更好更好!!

Esmee護膚產品以天然+醫學結合為主要護膚理念,由世界各地引入優質原料配合專業醫學科研技術研發系列產品。

首先當然由清潔做起,先為大家介紹esmee 既deep clean mask!
礦物泥漿淨化面膜 500g

質地: 好水好滑既泥漿

pansy敢說, 我從未用過如此柔滑, 保濕度高的清潔mask!
用後完全唔覺乾. 甚至比保濕面膜更加保濕!

用後可以見到皮膚更加亮白, 而且清潔度不錯!
比我之前介紹的osiao 更加好呢!

葡萄水凝酣睡面膜 - 300G

質地: 透明gel狀

哩隻一打開盒會有d好似提子咁既味, 都幾好聞!香料唔會好重!
用左之後保濕度有提升, 而且唔覺得油同笠! 夜晚搽完之後訓,唔會痴住頭髮同枕頭!
可以令皮膚更加有光澤!


24K金箔蠶絲水潤面膜紙

哩隻面膜真係好特別, 係蠶絲既質地, 用上面好貼好薄,
幾乎睇唔到有敷mask~ 但係mask上面又有好多金箔, 好正!
用後加以按摩, d金箔仲會溶左! 真正比皮膚吸收到正野!
敷完已經即時感覺到水嫩左! 精華唔會笠, 好快吸收曬!

深海魚子精華緊緻面膜紙
好得意.d精華係奶白色架! 哩隻面膜特別之處係, 可以有提拉功效!
但個人就唔係太喜歡哩類既mask, 因為要掛耳式 , 會搞到d頭髮都係精華!
所以我通常會唔掛耳咁用!
質地: 面膜算係比較厚質地! 但貼面度都好好, 而且精華都好夠!
用完之後皮膚水份多左! 亮白效果更加可以keep到第2日!

骨膠原白蘭精華補濕面膜紙
同樣都係掛耳式面膜! 但哩隻d精華就係透明的!
主功效係for保濕! 老老實實 . 保濕度幾好! 直頭用完唔再用cream都覺得塊面唔會乾!
但係又唔會油笠笠! 第2日起身出油情況少左! 而且保濕度都仲係度! 皮膚依然都覺得好水嫩!

esmee既產品睇落包裝一d都唔吸引! 但就絕對有內涵! 大家如果想買可以先上以下網址睇下資料先!
https://www.facebook.com/esmeeskincare
仲可以問下你地去開既美容院有冇得賣啊!