Pansy.L x Face Phantasy: 3月 2012

2012年3月28日星期三

天然美白,溫和又有效~~

可能有D SIS覺得哩個牌子好陌生, 又可能係因為岩岩SASA既試用而識佢, 包括PANSY在內都係, 而家為大家介紹一下哩個牌子~

來自韓國的人氣美肌品牌Somang，Somang研發有機認證的天然植物配方，成立DANAHANEcopure，”Eco” (Ecology)意思為生態；”Pure”則有純淨的意思，DANAHAN Ecopure的產品研發及成份均合乎環保及有機認證，讓肌膚得到溫和而有效的呵護，即使是敏感性的肌膚亦可安心使用。而DANAHAN Ecopure全新推出的純天然極致保濕美白系列 (Water Power Whitening )，主力提供美白、淡化瑕疵及極致保濕效果，實現大家夢寐以求的韓國女性無瑕淨白素肌。

純天然極致保濕美白乳液 160ml $224 @SASA

輕盈清爽的GEL狀質地 ,保濕之餘仲可以保持肌膚水油平衡，同時令肌膚冇甘黃,自然有返D白裹透紅既感覺~

主要成份：
-----------尿囊素 – 滋潤、保濕
-----------山刺玫花蕾萃取 – 抗氧化、改善暗黃膚色
-----------仙人掌萃取物 – 高度鎖水，提供豐富礦物離子營養
-----------菸鹼酸 – 減少68%移動中的色素
-----------松樹葉水 – 蘊含多元維他命及必須氨基酸，保濕、增加彈性及更新肌膚
使用方法：使用精華素後使用, 將乳液搽落全面同頸, 記得唔好唔搽頸喔.如果唔係就會條頸黑過面~
BEFORE

AFTER

PANSY今次唔係試用, 而係真金白銀買返黎試既 . 開頭試上手已經覺得唔錯~
好多SIS問我點解成日試甘多野, 就係為左試到好既話你地知. 哈哈 . 今次哩隻美白PRODUCT PANSY完全唔怕感覺.
因為哩系列係既天然又溫和, 敏感皮膚都可以使用的~ 質地清爽, 唔會"LUP" 保濕度又高~
而家轉季春夏天用就岩哂.
200幾蚊大大枝, 夠哂哩季用, 因為好水好易推既關係, 每次份量都唔洗好多,2-3pump 已經夠哂~
其實佢既質地有d似佢同系列果隻cream, 都係好水. 但係pansy驚住隻cream夏天會太潤會出油,,都係清爽d好@@
pansy用左冇耐,美白就一定冇甘快見到, 不過如果單單當佢一支保濕乳液就very good了^^

2012年3月26日星期一

迎接炎炎夏日之甜美香氣

睇到個標題, 希望大家冇嚇親 .點解甘講 ?

因為識PANSY既人都知道我一D都唔甜美.一D都唔浪漫,

要甜美,要浪漫我直頭係要行開果隻~

一向走型格路線既我, 又粗魯, 把聲又男人. 十足十一個男人婆~

個標題應該改為(一個男人婆教你點樣散發甜美浪漫香氣)

今次同大家講下PANSY前排買既一枝香水,

THE BODY SHOP LYCHEE BLOSSOM FLEUR DE LITCHI

EAU DE TOILETTE 30ML 保存期為3年

初頭係因為BA姐姐叫我+錢換所以先買架姐~

換左返黎. 近排先開黎認真去聞, 點知又OK WO~~

香味係主要係荔枝味

甜甜地既果香. 又唔會太香. 但係又真係一隻好持久既淡香水,

通常PANSY用開香精, 因為時間耐D, 持久D.

淡香水真係少用 .

今次介紹哩隻香水岩一D唔中意太濃又中意果香既SIS~

冇介紹錯架~~ 不過香味哩家野好死, 個個人睇法都唔同~

大家可以先去BODY SHOP 噴下聞下岩唔岩自己先~

好老實隻味勁似PANSY以前用開果隻 PARIS HILTON

細細枝當時換購價為$ 89

2012年3月25日星期日

真的要救救PANSY敏感中的皮膚~

大家好, pansy係大陸返黎了, 累透了, 一早起身上山曬到飛起, 相信有28-9 度吧~~

之後坐船隻船拋到令我作嘔. 辛苦極.!!!

PANSY 今次皮膚敏感, 相信好大可能係因為之前食藥既關係.

藥已經停左.. 慢慢就開始好, 雖然仲未好哂. 但哩排都係唔可以甘刺激D皮膚既,

用既護膚品都要溫和D好.~~

今次就揀左"佢地"

------------------Curel 極緻保濕系列 for sensitive skin $130

一套入面有洗面泡 90 ml . 落妝gel 30g, toner 30ml , 面霜 10g

全部都係普通既保濕+防敏感系列 ,

非常之溫和, 保護pansy既皮膚, 已經用左兩日, 皮膚都好得7788 ,

仲有少少未好. 希望會好得更快~~

先講講哩幾隻產品

---------- foaming wash 洗面泡

大大支應該都用到幾一陣子, 用完唔會覺得皮膚乾, 但亦都冇洗面奶那麼保濕, 那當然吧,

始終是泡泡, haha

------------- makeup cleansing gel 落妝啫喱

哩隻係好多sis都讚既一隻落妝GEL, PANSY一直想試. 今次終於有機會(但係要等到皮膚敏感,唔好喇掛)

落得都算好乾淨, 怕得住之前介紹過既DR.G , 但係哩隻價錢平D WO. 當然買你喇.~

------------- MOISTURE LOTION III 保濕爽膚水

III號屬最保濕一隻, 用左之後水份升左好多格, 都算都好喔,

不過只係得保濕. 想要其他功效就另謀高就吧~~

BEFORE

AFTER

------------ 最後既保濕 CREAM

亦都係只有保濕作用, 之前PANSY有介紹過,

保濕之外唔會"LUP" 算係一隻普通保濕CREAM既良品 .

詳細等PANSY過兩日再同大家介紹一下~~

2012年3月22日星期四

全方位修護對策 ****NEOGENCE ACE 新生修護超導纖維面膜

還記得早前不知幾多篇文, 提及用過NEOGENCE的東西,

亦都係令我認識NEOGENCE最深的一個產品 ~

就係玻尿酸原液, 起初是SASA的BA介紹的, 開頭都是試試而已

慢慢用耐左, 發現. 皮膚好左甘多既 ?

幫到我底層既皮膚之外, 仲可以有效控油啊! 其實只要底層夠水份,

油份是會平衡得到的 .

全新ACE全能亮白煥新系列, 主要係針對混合性同油性皮膚. 希望用其獨特功效, 達到全面煥膚,亮白,抗老 .

今次試用既亦都係NEOGENCE既ACE新生修護超導纖維面膜每片30ML 一盒3片

功效與主要成份

---玻尿酸,有助深層保濕.

---天然海藻醣,可吸除面上多餘油脂,令肌膚水油平衡

---維他命A+C+E微乳精華,15分鐘密集修護肌膚底層

---胜肽撫紋因子MATRIXYL TM 3000 強效撫平皺紋

---維他命A可以幫助更新肌膚, 仲可以細緻毛孔,提升彈性

---有效活化,撫平細紋

質地: 哩隻面膜用左一隻叫"超導纖維棉" , 剪裁十分貼面.

---超導纖維棉以3層結構方式進行.

1.滲透珍珠膜:有特殊滲透孔,令精華可以完全被面膜吸收

2.超導纖維膜:用了天然既棉籽絨來源,配合一些特殊織法,造出那麼輕薄的材料

3.藍色調整紙:方便於貼合時調整位置, 使面膜能充分符合每個人的面部輪廓

使用方法: 先將白色既珍珠紙撕走, 將第2層面膜貼上自己的面, 用藍色調整紙調好位置後,

把藍色面膜紙向橫撕走, 等15-20分鐘. 就可以取下, 用後不需沖洗

試用後. 發現真的比市面上很多面膜都貼面. 一直低下頭打字都沒有趺下來,

需然有點大塊, 但因為夠薄既關係. 可隨自己的面型調整, 完全貼近整塊面, 連鼻位都做得好好

可以遮埋鼻孔(笑) . 好多時因為太短, 鼻頭都用不到,,這面膜完全沒有這問題~

用後感覺彈性好左好多, 好有嫩滑感覺, 補水能力也很好~ 提升了3格有多呢 ~

感覺到亮澤左好多, 絕對係有光澤果種. PANSY本身皮膚敏感, 用左之後泛紅少左, 感覺上真係修護到皮膚~

眼紋亦都冇甘深啊, 比起用之前, 真係有明顯內眼見到既分別.

BEFORE

AFTER

請大家做一個見證呢. 看得到的分別, 不止我一個. 相信你地都見到吧~

全線莎莎有售

2012年3月20日星期二

鼻敏感+面敏感+感冒. 點解又係我 ??/

好多sis都知pansy早排病,,病左好耐,
食左藥成個月, 抵抗力差, 道致額頭生廯,
搽藥膏之後已經好返, 好返第2日之後,
竟然又到鼻鼻同埋面珠, 起左d好微細既粒粒, 好似水泡甘既野,
pansy開頭冇理佢.幾日之後. 依然係甘, 摸上去覺得好"鞋"
而家開始有少少痕.. 感覺上又敏感了.

究竟係食得藥多? 藥物敏感?? 定係做白老鼠做得多, 試左d令自己敏感既產品??
我真係唔知.. 無從入手. 已經用返以前用開既防敏感skincare. 唁敢試用任何野住.

但係都係甘既 ? 真係好苦惱, 老實說我感冒未清哂,又鼻敏感, 已經食好多藥, 唔想再食藥~
食到個人都痴痴呆呆~ 一生人甘貪靚既我, 最著緊就係塊面,
哩排搞成甘,又一日食幾隻藥, 真係好冇心機.

btw. 希望我可以快d好返, 做到你地既白老鼠 .
大家有冇d好提議 ?? 希望唔會嚇到大家 , 就比大家睇下我而家個衰樣..~~~ sad

大家係相可能睇唔清楚,,其實pansy而家個鼻鼻同面都起哂一粒粒既似水泡物,
開始痕痕地, 但係大家都見到, 我已經食緊好多藥, 真係唔想再食藥~~
身體愈黎愈差, 又殘.

2012年3月19日星期一

ESTEE LAUDER 全新美白系列

話說有一日, PANSY黎到一個充滿夏天色彩既世界,
就係ESTEE LAUDER既會場 , 可以話係第1次去甘靚既地方呢 ~

去做咩呢 ? 多謝THEZTYLE 同ESTEE LAUDER比機會PANSY去哩個EVENT~

夏天差唔多到, 真係想白白滑滑見下人呢 ~
今次甘岩又有得試下美白既產品. 真係開心到不得之了~

去到會場, 有好多好好人既接待員招待我地,
感覺好好, 好被尊重既感覺.
接左我地去一間房仔, 問我地要唔要飲野 ,

枱上放左好多ESTEE LAUDER唔同系列既PRODUCT, 比我地任試用的

其間接待員派來我們每人一份的小冊子和光碟回家觀看,非常細心

枱上有香薰為我們放鬆一下

有蘋果汁同橙汁, 拎到出黎既時候,
PANSY真係大開眼界 , 見識少既PANSY 好少飲正"方形盒" 既有機果汁

天啊. 一等一既享受甘~ 之後等左一陣, 一班人影下相 ,

之後就可以去大房玩 , 有咩玩 ??
見到個佈景已經開心死!!!! 有藍天白雲, 有"真"沙. 有張沙灘椅, 沙灘波,草帽同花花頸圈.
OH MY GOD. 真係由心笑出黎果隻.!!!! 真係好有心機呢~~~

玩左一陣,影相中, 接待員帶左兩個人入黎..
OH..外籍男MODEL. 大家都不禁大叫起來,
靚仔靚仔~~ 又NICE, 仲間唔中講下唔咸唔淡既廣東話,
真係令人流哂口水(其實係PANSY自己流口水.哈哈)
玩左一輪之後影幾張相(仲要係即影即有,人人都有架)
之後就由ESTEE LAUDER既化妝師靚仔LEO同MODEL出場 ,

教我地點樣用BB CREAM先至好, 做到又自然又突出到輪廓既方法

最後,仲有手部按摩, 每人都有架~ 用上ESTEE LAUDER既產品
按完真係好舒服架~ 最後好有禮貌每人比左一D試用產品就送我地走LU~ 好唔捨得甘靚既地方~

短短一個小時, 但係大家真係玩得好開心架^^

希望下次再有甘既機會

試用產品: cyberwhite brilliant cells night 全能細胞亮白盈潤晚霜 (50ML)
               cyberwhite brilliant cells full spectrum brightening essence 全能細胞亮白精華 (30ML)
               cyberwhite brilliant cells extre intensive bb cream multi-action formula SPF35/PA+++ (30ML)

功效:針對缺水肌膚, 唔會好似一段美白產品甘用完會好乾,cyberwhite brilliant cells全能細胞含豐富水潤因子,令肌膚含水量回覆平衡,令水分充足.
       針對肌膚粗糙, 如果膚色比較暗既朋友就岩哂, cyberwhite brilliant cells全感細胞含先進既煥膚成份,柔和地促進皮膚自我更新既能力,令皮膚更有光澤,踢走暗啞.
       針對膠原蛋白流失, cyberwhite brilliant cells全能細胞具有保護膠原蛋白成分, 有維他命C,防止肌膚的膠原組織流失.
       針對血液循環欠佳,cyberwhite brilliant cells全能細胞可以支持身體天然微循環,加以按摩,令皮膚白中透紅.

夜晚就係皮膚吸收養份既最好時間, 所以夜晚一定要用D比較好既PRODUCT ,
"全感細胞亮白盈潤晚霜"

---可以係夜晚發揮超強效既保濕要素,深入皮膚底層,針對夜晚誘發色斑既因素,
從而激退色斑. 配合cyberwhite brilliant cells全感細胞亮白系列, 可以日夜接力發揮最強既美白效果,
做到去黃,保濕,提升膚質幾大好處~
4星期,做到令皮膚亮白,柔滑細緻.

BEFORE

AFTER

----滋潤性非常之高, 唔會好似一般美白產品甘好乾

----用後好似有層薄膜甘包住皮膚

----很好推

----比較適合皮膚肌的朋友,油性皮膚會比較潤

cyberwhite brilliant cells full spectrum brightening essence 全能細胞亮白精華
---針對4種主要色斑既強效亮肌PRODUCT
---持續發全面發揮全能細胞亮白系統的亮白協同功效
---配方包括最先進既淡斑,亮白科技,加埋一齊就可以達到強效亮白既效果

BEFORE

AFTER

-------------質地易吸收, 很好推開

-------------保濕度不錯很好

-------------用後2星期, 皮膚明顯透亮很多

cyberwhite brilliant cells extre intensive bb cream multi-action formula SPF35/PA+++ BB CREAM
---SPF35/PA+++ 夠哂夏天用, 出街與到陽光都唔洗怕.
---可以遮到面上既瑕疵, 均勻膚色 .
---有控油功效, 防止面乏油光